'Biyurri hitzaldiak', ekaina eta uztaileko astearteak ilustratzeko
Hilaren 22an hasiko dute hitzaldi zikloa, 'Altsasu auzia'-ren egungo jokaerarekin. Askotariko gaiak jorratuko dituzte saioko zikloan.
'Altsasu auzia'-ri buruzko solasaldi batekin hasiko dute zikloa. Biyurrienea kolektiboak hitzaldi sorta bat antolatu du ekaineko eta uztaileko astearte arratsaldeetarako, Biyurri hitzaldiak izeneburupean. Guztira sei saio antolatu dituzte, sei gai erabat ezberdinekin, baina interesa sortzeko ahalmena partekatuta.
Lehenengo hitzaldirako Nekane Ortigosa eta Gotzon Urrizola gonbidatu dituzte. Altsasuko gazteen auziaren gaur egungo egoeraren berri emango dute, 19:00etatik aurrera, udaletxeko pleno aretoan. Gainontzeko hitzaldiak honakoak izango dira:
- Hilak 29: Mendian hil, hirian hil, filmeko protagonistetako baten lagun baten eskutik. 19:00etan, Haurtzaro Ikastolako jantokiko ganbaran.
-
Uztailak 6: Ekonomia zirkularra, Elika koperatibaren eskutik. 19:00etan Haurtzaro Ikastolako jantokiko ganbaran.
-
Uztailak 13: Elikadura osasuntsua, Alaitz Iriarte eta June Ibarguen nutrizionisten eskutik. 19:00etan, Haurtzaro Ikastolako jantokiko ganbaran.
-
Uztailak 20: Palestina eta ekialde hurbila, Askapenaren eskutik. 19:00etan, udaletxeko pleno aretoan.
-
Uztailak 27: Katakrak koop: liburu denda bat baino askoz gehiago, Juan Etxenike Katakrakeko kidearen eskutik. 19:00etan, udaletxeko pleno aretoan.
