Herriarteko finalerdiez gain, bi final jokatuko dituzte Oiarpekoek
Alegiako pilotarien kontra jokatuko dituzte hiru partida, finalera pasatzea berresteko. Youtube bidez eskainiko dituzte. Kadete eta jubeniletan, final bana.
Oiartzungo pilotariek eskura dute Gipuzkoako Herriarteko Pilota Txapelketako finalera pasatzea. Alegian, joaneko partidetan, 0-3 nagusitu ziren, eta tantoetan lortutako aldea oso handia izan zen, kanporaketa ia erabakita uzteko moduan.
Itzuliko partidak bihar arratsaldean jokatuko dituzte, 18:45etik aurrera, Madalensoron. COVID-19a dela eta, ezingo dira bertatik bertara ikusi, baina Youtubetik jarrai daiteke (behean dago esteka).
Bestalde, Oiarpeko pilotariek beste lau partida gehiago dituzte programatuta astebururako. Horietako bi finalak izango dira. Barañaingo San Esteban txapelketako finala jokatuko dute —Gazte Mailan— Zabaleta eta Olaizek. Igandean izango da hori.
Beste finala Etxeberria eta Mitxelena kadeteek jokatuko dute —Udaberri Txapelketako lehen mailakoa—. Herriarteko partidak bezala, hori ere bihar jokatuko dute. Azkoitian izango da.
Kartelera guztia hemen klik eginda kontsulta daiteke.
https://www.youtube.com/watch?v=PHNuRLaNttQ
