Sortuk batzarra egingo du, herriko egoera identifikatu eta kongresua prestatzeko
Hilaren 26an elkartuko dira, Haurtzaroko jangelan. Dauden hutsuneak identifikatu eta aurrera begirako erronkak jarriko dituzte herri batzarrean.
![sortu oiartzun batzarra](https://oarsoaldea.hitza.eus/site/files/2021/06/sortu-oiartzun-500x313.jpg)
Oiartzungo Sortuk egindako batzar baten irudia [Arg.:
Oiartzungo Sortuk batzarra egingo du hilaren 26an, Haurtzaro Ikastolako jantokian. Ezker abertzaleko alderdia kongresu nazionala prestatzen ari da, eta horri begirako lanketa egingo dute herrian.
09:30ean hasiko da batzarra, gosari batekin. Saio praktikoa 10:00etatik 13:30era bitartean izango da. Saioaren ardatza zein izango den jakinarazi du Sortuk: “Elkarrekin herriko egoeraren argazki orokorra atera, ditugun hutsuneak identifikatu eta aurrera begirako erronkak zehaztuko ditugu”.
Horren barruan hainbat gai aztertuko dituztela iragarri dute: herrigintza, komunitatea, preso eta iheslariak, ezker independentismoa, memoria”…
Alderdiaren afiliatu eta jarraitzaileak deitu dituzte saioan parte hartzera. “Denon ekarpena da beharrezkoa. Elkarrekin Oiartzun hauspotuko dugu!“.