Estefano eta Ruben Euskal Ligako Ohorezko Mailako final handirako sailkatuta
Arabako Areta pilotalekuan jokatuko da finala ostiralean.
Yorel Epleko pilotaria partida batean. Argazkia: Carrera EPLEko pilotariek berri onak ekarri dituzte beste behin ere. Pala motzeko modalitatean Euskal Ligaren Ohorezko Mailan sailaktu dira Estefano eta Ruben 38-40 irabazi ondoren San Juan Donibaneko Laborda-Muruzabal bikotea. Lau pilotariak paregabe aritu ziren Iruñean jokatutako finalerdian, eta EPLEko palistek meritu handiagoa izan zuten oraindik, aurkariaren etxean jokatu baitzuten partida. Orain Armintza izango dute aurrez aurre, Erreala taldeko palistak 40-15 irabazi ostean. Finala Arteako (Araba) pilotalekuan jokatuko da ostiralean.
Finalerdiak palan eta larruzko paletan, trinketean
Ligaxkako faseak amaituta, Pala modalitateko senior kategorian Ruben eta Abel sailkatu dira finalerdietarako; final handirako txartela jokoan izango dute. Asteazkenean izango da partida, Andoaingo Arrate pilotalekuan Oiango 2ko Irastorza eta Letamendiaren aurka.
Larruzko paletan trinketean berriz, Eiheramendik eta Yorelek, Real Sociedad 3ren aurka jokatuko dute finalerdia, Agirre-Lujanbio bikotearen aurka.
Azkenik, pasa den larunbatean Agustina Otaola pilotalekuan jokatu zen eskuz binakako finalerdian, Tabernak eta Mitxelenak 11-22 galdu zuten Bergarako Etxezarreta eta Rezustaren aurka. Trinketeko eskuz binakako Euskal Ligako partidan, Taberna eta Chiapusok 40-31 galdu zuten.
