Gure Eskuk Bilbora deitu du, Hamaika Gara dinamikaren barruan
Bilbora joateko asmoa dutenek, autobusez joateko aukera izango dute, Gure Eskuren bitartez edo ohiko lekuetan izena emanez.
Hamaika Gara bideokliparen fotograma bat. Euskal Herriko 24 eragilek bultzatutako Hamaika Gara iniziatiba, Indarrak batzeko garaia da lelopean. Helburua, sinadura bilketa handia, erraldoia, egitea. Lan horretan ari dira eragile ugari eta anizt batera aldarria zabalduz eta herritarren atxikipena eta konplizitatea lortu asmoz.
Horren harira, uztailaren 3an zita egin dute Bilboko Areatzan 17:30ean, udaletxeko zubian, Areatzakoan eta biak batzen dituzten pasealekuetan elkartuz. Musika emanaldiez gain, iniziatibarako espresuki sortutako dantza ere egingo dute egun horretan, eta jai giroan, material ugari ekuratzeko aukera izango da. Ekitaldiaren gaineko informazio zehatza, Hamaika Gara web orrian aurkitu daiteke. Horrekin batera, iniziatibarekin bat egiteko aukera zabalik dago, norberak bere sinadurarekin atikipena adierazteko. Errenteria-Oreretako Gure Eskuk deia luzatu die herritarrei antolatutako ekitaldiekin bat egin dezaten, “denoi baitagokigu gurekin zerikusia duen guztiaren inguruko erabakietan parte hartzea”.
Hala, Bilbora joateko asmoa dutenek, autobusez joateko aukera izango dute, Gure Eskuren bitartez edo ohiko lekuetan izena emanez.
