Seihilekoa ixteko film mitiko bat aukeratu du Ozzinemak
Ostegunean ikusi ahalko da Lawrence de Arabia Niessen zinemetan, eta saioaren egunean bertan erosi ahalko dira sarrerak Niessen Kulturgunean, 4 euroan.
Lawrence de Arabia filmaren irudi bat. OzZinema Zineklubak seihilekoari itxiera emateko film mitikoa aukeratu du: Lawrence de Arabia. Abenturazko zinemaren paradigma 1962an filmatu zuen David Leanek, eta 226 minutuko iraupena, arnasaldia da, pantailatik harago doan proposamen honetan. Zinema. adierazpen gorenera daraman filma da zinemazale askorentzat pelikula hori. Oinarrizko bi historia kontatzen du Lawrence de Arabiak: Arabiaren independentziarena, eta izaki baten independentzia. Lehenean Turkiaren boterearekin amaitzen saiatuko dira borroka amaigabeetan. Bigarrena, Lawrencek bere buruaren aurka duen borroka. Hamar Oscar sarietara izendatu zuten filma, eta izendapen horietatik zazpi bere egin zituen filmak, tartean, pelikula onenarena, zuzendari onenarena, argazkilaritzarena, eta bere soinu bandarena.
Pertsonaia bakoitza, plano bakoitza, erabaki artistikoki bakoitza goitik behera neurtuta daude filmean, eta bere osotasunak, zinemaren historiako film onenetako bat bihurtu du.
Ostegunean ikusi ahalko da Lawrence de Arabia Niessen zinemetan, eta saioaren egunean bertan erosi ahalko dira sarrerak Niessen Kulturgunean, 4 euroan.
