Gure Eskuren Aiako Harriko ekintzarako kamisetak eska daitezke
Garmendi txokolategian erreserba daitezke kamisetak. Hamaika Gara dinamikaren eskumuturrekoak ere saltzen ari dira. Ostiralean, Altzibarren.
Arraguako auzotar talde batek atxikimendua adierazi du. Uztailaren 10eanAiako Harrian egingo duten ekintzarako motorrak prestatzen ari da Gure Esku. Mobilizazio ikusgarria egin nahi dute arrats horretan mendian, eta bertara jantzita eramateko kamiseta eska daitekeela gogorarazi dute.
Garmendi txokolategian erreserba daiteke kamiseta hori. Horrez gain, Hamaika Gara iniziatibaren eskumuturrekoa lor daiteke, bai txokolategian baita Urrats paper dendan zein Kastro tabernan. Horiek hiru euroan lor daitezke.
Horrez gain, Gure Eskuko kideak Altzibar auzoan egongo dira ostiral arratsaldean, 18:00etatik 20:00etara. Aiako Harriko ekintzan parte hartzeko izena eman daitekeela jakinarazi dute.
Uztailaren 10 horretan, Aiako Harria argiztatuko dute. Parte hartzeko, aurretik izena eman behar da eta 5 euro ordaindu beharko dira asegurua izateko. Elurretxetik 19:00tan abiatuko dira, eta Arritxulotik 18:30etan.
Oiartzuarrak ari dira pixkanaka deialdiari atxikimendua adierazten, Oiartzungo Gure Esku bere twitter kontuaren bidez jakinarazten ari denez. Albiste hau ilustratzen duen irudikoa, Arraguako auzotar talde bat da.
