Hiruna mila euro ACNUR eta Ekuadorrentzat
Errenteriako Udalak larrialdi humanitarioetarako bideratua duen aurrekontutik hiruna mila euro eman dizkio ACNURi eta Mikelazulo elkarteari, 6.000 euro denera.
Errenteriako Udalak larrialdi humanitarioetarako bideratua duen aurrekontutik hiruna mila euro eman dizkio ACNURi eta Mikelazulo elkarteari, 6.000 euro denera. Lehenengoak, pandemiaren gogorrenean bizitzen ari diren herrialdetara bideratuko du laguntza, eta bigarrenak berriz, Ekuadorreko Fundacion Educacional Juan Rafael Arrobo Ceballos elkarteari.
Ekuadorrera bideratuko den laguntza COVID-19aren pandemiak eragindako krisi ekonomikoari aurre egiteko erabiliko dute. Langabezia, soldaten murrizketa, eta negozioen porrota ekarri du gaitzak. Laguntza horrek, hezkuntzan eragingo du zehazki, irakasle, administrari eta laguntzaileen lanpostuak nahiz haien osasuna babesteko.
ACNUR Erakundearen bidez bideratutako diru laguntza partekatu egingo da ondorengo herrialdeak laguntzeko: Burkina Faso, Kamerun, Kongoko Errepublika, Sudan, Etiopia, El Salvador, Ekuador, Venezuela, Brasil, Pakistan, Afganistan, Bangladesh, Egipto, Algeria, Libano, Siria, Jordania, eta Grezia. Udalaren ekarpenarekin, txertoen horniketa unibertsalik ez dagoen edo tratamendu eraginkor eskuragarririk ez dagoen inguruetan osatuko du horniketa.