Herriarteko txapelketako finala zuzenean ikusi ahal izango da
Azpeitiak eta Oiartzunek larunbatean jokatuko dute finala, Idiazabalen. Eskuragarri zeuden sarrera apurrak banatu dituztenez, Youtubera jo beharko da.
Gipuzkoako Herriarteko Eskuzko Txapelketako finala jokatuko du Oiartzunek, datorren larunbat arratsaldean, Idiazabalgo Igarondo pilotalekuan. 16:30ean hasiko dira jokoan.
Osasun egoera dela eta, gutxi batzuek izango du partida bertatik ikusteko aukera. Zehazki, talde bakoitzak kantxan arituko diren seina pilotariez gain, hamabina pilotari ordezko edota klubaren zuzendaritzako kide, bina udal ordezkari eta 71 bestelako ikusle sartu ahal izango ditu Igarondon.
Oiarpek zituen sarrerak pilotarien senide eta lagunen artean hegan egin dute, eta, ondorioz, ez da sarrera bat bera ere gelditzen. Horregatik, hiru norgehiagokak zuzenean ikusi ahal izango dira, Youtube bidez (behean dago esteka).
Hamasei taldek parte hartu aurtengo txapelketan: Aduna, Alegia, Amezketa, Andoain, Aretxabaleta, Astigarraga, Ataun, Azkoitia, Azpeitia, Bergara,Bidania-Goiatz, Hernani, Oiartzun, Oñati, Tolosa eta Zestoak.
Oiartzunek Azkoitia, Bidania-Goiatz eta Alegia kanporatu ditu, hurrenez hurren.
https://youtu.be/jeS878DUa-0
