[Galeria eta bideoa] Ikasitakoa ez dute desikasiko
HELTAko ikasleek urtean zehar egin dutena erakutsi dute gaur arratsaldean. Eskulanen tailerretakoek zein gitarra jotzen dutenak aritu dira.
Kulturabirusaren intzidentzia tasa etengabe hazten ari da Oiartzunen. Gaur arratsaldean, Helduen Tailerretan aritu direnek bukatu berri den 2020-2021 ikasturtean egindakoa edota ikasitakoa erakutsi dute Arizmendienean.
Alde batetik, eskulan tailerretan aritzen direnek —patchwork, joskintza, egur taila…— bere lana erakutsi dute. Bestetik, gitarra taldekoek dozena bat pasatxo abesti jo eta kantatu dituzte. Banaka, binaka edo hirunaka hasi dira, gero denak elkarrekin jotzen eta kantatzen bukatzeko.
Albiste honen titularra Berri Txarrak-en Katedrala abestian oinarrituta dago. Eta ez da apetaz aukeratutako kanta izan: hori jo eta abesteaz gain, Gorka Urbizu eta kideek sortutako beste hainbat abestirekin gozarazi dituzte lorategian elkartu direnak. Esaterako, azpiko bideoan jasotzeko Maravillas.
Gogorarazi dutenez, datorren ikasturtea urrian hasiko da, eta aurrematrikulazio epea irailean izango da. Izen ematea webgunearen bidez egin daiteke, edo Karaez kaleko lokalean.
