San Ferminak ospatuko liratekeen egunetarako egitaraua prestatu dute
Nahiz eta, ofizialki, jairik ezingo den ospatu, osasun neurriak bermatuz hainbat jarduera antolatu ditu Antxoko Topaguneak hilaren 8tik 11ra arte.
Datorren astean ospatuko lirateke Antxon San Ferminak, baina, denontzat ezaguna den osasun egoera dela medio, barrutietako jaiak bertan behera geldituko zirela iragarri zuen udalak joan den hil hasieran.
Ofizialki jairik ospatu ezingo bada ere, Topagunearen ekimenez hainbat jarduera antolatu dituzte datorren aste bukaerarako, ostegunetik (hilak 8) igandera (hilak 11).
Guzti horietan parte hartzeko nahitaezko segurtasun neurriak bermatuko dituztela ziurtatu dute antolatzaileek; datozen egunetan emango dute sare sozialen bidez (Instagram, Twitter eta Facebook) jarduera bakoitzari buruzko informazio gehiago, eta baita izena emateko argibideak ere.
- Hilak 8. Osteguna.
- 16:00 Pala txapelketa mistoa Biteri plazan.
- Hilak 9. Ostirala (gazte eguna).
- 18:00 Zunba Biteri plazan
- 19:30 Matraka elektrotxarangarekin kontzertua (PAGArekin) Ibaiondon. Eserita eta neurriak bermatuz (110 laguneko gehienezko edukiera).
- Hilak 10. Larunbata.
- 12:00 Muxikoak Gure Zumardian.
- 19:00 Nerea Ibarzabal eta Andoni Egañaren bertso saioa Mimosen (tabernak antolatu du).
- Hilak 11. Igandea.
- 16:00 Oliba hezurren jaurtiketa Ibaiondo kanpoaldean.
- 16:00 Mus eta partxis txapelketa Ibaiondon.
