[Bideoa] Pirinioetako bi aldeak elkartasunez batu nahi dituzte
ANCk, Gure Eskuk eta Omniumek Pirinioetako Bidea aurkeztu zuten pasa den larunbatean, bi gailurrera igota. Bideoa editatu eta publikatu dute.
Pedraforca mendia argiztatuta, Katalunian. Pasa den larunbatean, Gure Eskuk, ANCk eta Omniumek bi tontorretara igotzea antolatu zuten. Pedraforca —Katalunian— eta Aiako Harria —Euskal Herrian— izan ziren ekintza horiek.
Datorren urteko uztailaren 2an egingo duten ekintza erraldoiaren berri emateko aprobetxatu zuten: Pirinioetako Bidea 2022. 400 tontor igo nahi dituzte, autodeterminazio eskubidea aldarrikatzeko.
Bideoa argitaratu dute, iragarpen hori egiteko. Larunbateko igoeren irudiekin osatu dute, eta sare sozialen bitartez zabaldu.
Testu bat ere partekatu dute, Pirinioetako Bidea edo Via Pirinenca izeneko iniziatibaren filosofia laburbilduz. Pirinioen bi aldeak lotu nahi dituzte, eta elkartasuna izango da horren kolagenoa.
Har dezagun bidea.
Elkartasunetik elkarlanera.
Sintoniatik sinkroniara.
Gailurra zain dugu,
eta elkarrekin iritsiko gara!
