Ane Santesteban animatzera deitu du udalak
Tokioko Olinpiar Jokoetan parte hartuko du Santestebanek. 2016an Rio de Janeiron jokatukoetan hartu zuen parte.
Ane Santestebanen banerra herritarrek argazkiak egin ditzaten.Argazkia: Herri Bizia Ane Santesteban txirrindulari errenteriarra Tokioko Olinpiar Jokoetan izateko hautatu dute. Honakoa bigarren aldia izango du txirrindulari errenteriarrak olinpiar jokoetan —2016an Rio de Janeirokoetan izan zen—. Gertaera historikotzat jo du udalak Santestebanen parte hartze hori, eta besarkada handia helarazteaz gain, munduko zorte guztia opa dio txirrindulariari.
Harago ere joan da udala, eta herritarrak errenteriarra animatzera deitu ditu, horretarako Galtzarabordako kiroldegiko harreran, zein Beraungo eta Fanderiako igerilekuetako harreretan bannerrak jarri ditu Santestebanen irudiarekin. Helburua herritarrek banner horien aurrean argazkiak egin eta sareetara igotzea da Santesteban animatzeko eta txirrindulariak herritarren babesa eta berotasuna senti dezan. Sare sozialetara agazkiak igotzeko unean traola zehatza erabiltzeko ere eskatu du #EutsiAne.
Datorren astean banner horien kokapena aldatuko dute lekuz, iniziatiban ahalik eta jende gehien parte har dezan.
