Memorian tatuatuta geratzeko asmoa duen asteburua dakar Kulturabirusak
Tatuajeekin zerikusia duten ekitaldiak egingo dituzte gaur. Bihar eta etzi artean egitarau osoa eskainiko dute, zortzi jarduera dituzte programatuta.
OIhana Iguaran eta Alaia Martin bertsolariek hartuko dute parte etziko bertso saioan. Ekitaldiz betetako asteburua dator Kulturabirusarekin. Gaur bertatik hasita, hamar ekitaldiko egitaraua dator.
Tatuajeak izango dira gaurko ekitaldien ardatza. Kontzejupean tatuajeen erakusketa jarri dute, eta arratsaldean, 17:00etan hasita, tailerra egingo dute Haurtzaro Ikastolako jantokian.
Ikastetxe bereko pilotalekuan, 20:00etan hasita, Tomate berde frijituak filma eskainiko dute gaur. Kulturabirusaren egitarautik kanpoko ekintza da; Atzamarka talde feministaren lehenengoa da.
Bihar goizean, berriz, mosaiko murala egiten jarraituko dute emakumeek, labaderoan. Biharko saioa goizez izango da. Arratsaldean, berriz, Hiru biñaka dinamikaren lehen saioa izango da, herriko sortzaileekin.
Larunbaterako, ekitaldi ugari datoz. Oiartzungo Feministen Asanbladak antolatuta, dantza afrikarren tailerra egingo dute Ergoienen. Arratsalderako, bertsolaritza; Orainmenean taularatuko dute hiru emakume bertsolarik: Alaia Martinek, Oihana Iguaranek eta Amaia Etxanizek (Amaia Agirre izango da gai-jartzaile). Arratsean, berriz, Lartaunek antolatutako kontzertuaren txanda izango da.
Gainera, ostiral eta larunbatean, Puskak biltzen ezagutzeko bisita gidatua izango da, Eider Bergaretxeren eskutik.
Kulturabirusaren ekitaldietarako sarrerak turismo bulegotik pasatuta edo bertara deituta (943 50 89 13). Ordutegia 10:00etatik 14:00etara eta 16:00etatik 19:00etara da.
- Uztailak 15, osteguna:
- Tatuatze erakusketa (Kontzejupean-, 11:00).
- Tatuatze tailerra (Haurtzaro Ikastolako jantokian, 17:00).
- Uztailak 16, ostirala:
- Mosaiko-mural tailerra emakumeentzat (Beheko plazako labaderoan, 10:00).
- HiruBinaka. Herriko sortzaileen emanaldiak (plaza inguruan, 19:00):
- Lohizune Telletxea eta Luix Mitxelena.
- Alaia Belaunzaran eta Udane Eskudero.
- Karen Muñoz eta Alain Mendizabal “Txilly”.
- Puskak biltzen ikusteko bisita gidatua, 18:00etan, Arizmendienean.
- Uztailak 17, larunbata:
- Tailerra: Dantza afrikarra emakumeentzat (Auzokalte elkartean -Ergoien-, 11:00-13:00).
- Puskak biltzen ikusteko bisita gidatua, 12:00etan, Arizmendienean.
- Orainmenean: Amaia Agirre Arrastoa, Oihana Iguaran Barandiaran, Amaia Iturriotz Etxaniz eta Alaia Martin Etxebeste (Arizmendi-enean, 18:30).
- Lartaun abesbatzaren kontzertua (Arizmendi-enean, 22:00).
