Ander Muñozek 'Espazioak eta erregistroak' erakusketa zabalduko du asteburuan
Gazte sortzaile lezoarraren lanak hilaren 24 eta 25ean ikus daitezke, goizez, Donibane kaleko Kultura Aretoan. Espazioa dute ardatz sormen lanek.
Ander Muñoz Ventura 24 urteko lezoarrak Espazioak eta erregistroak erakusketa zabalduko du larunbat eta igandean (hilaren 24 eta 25ean) Kultura Aretoan. Espazioarekin egindako lanak egongo dira bertan ikusgai, “espazio ezberdinak ulertzeko eta hauekin hobeto erlazionatzeko”, esan du egileak. Bi egun horietan 11:00etatik 13:00etara izango da mostra zabalik.
Arte Ederretako Arte Graduko ikaslea da Muñoz. Eta urte oso bateko lana da lezoarrek eta nahi duten guztiek ikusi ahalko dutena. Urtebeteko emaitza horren barruan daude margolanak, bideoak eta argazkiak.
