Araneta irabazle Pasaiako badian
Lehen proba puntuagarrian parte hartu zuten asteburuan Pasaia Kayakeko piraguistek.
Lehen aldiz Torrean izan zen hasiera eta helmuga. Argazkia: Pasaia Kayak. Pasaia Badiaren XII. edizioko proban lehiatu ziren asteburuan Pasaia Kayakeko piraguistak. Euskadiko XVI. Itsas Kayak Kopari dagokionez, lehen proba puntuagarria izan zen. Gainera, ibilbide berria estreinatu zuten: lehen aldiz San Pedroko Torrea izan zen irteera eta helmuga.
Proba nagusian Aritz Araneta izan zen irabazle, eta klubak azaldu duenez, beste lehiakideekiko tartea nabari mantendu zuen ibilbide osoan. Bigarrenari, minutu eta 25 segundoko aldea atera zion amaieran.
Amaia Benaventek emakumezkoen sailkapenean bigarren postua irabazi zuen, Maite Etxaberen atzetik. “Lan txukuna egin zuen errenteriarrak”, aitortu du talde pasaitarrak.
Senior proban, Lander Rodriguez aritu zen, eta bigarren postua iortu zuen 7 segundoko aldearekin irabazlearekiko.
Talde gisa bigarren postua lortu zuten pasaitarrek, Itxas Gain zumaiarren atzetik. Nagusitasuna lortzeko hurrengo aukera, datorren uztailaren 31n izango dute Hondarribiko uretan, Euskadiko Txapelketa jokatuko baita han.
Bestelakoak
Asteburuan, Ion Carballo ere lehiatu zuen K-4ko ontzian Euskadiko selekzioa ordezkatuz, Gaztela eta Leongo Sanabriako 58. Nazioarteko proban. Hirugarren postua lortu zuen ontziak, eta haien auretik geratu ziren Andaluziako eta Asturiasko selekzioak. K-4ko Euskal selekzioaren emakumeen proban, Laura Zuzunegi, Maika Terroso eta Sara Tarragona aritu ziren; bosgarren postuan iritsi ziren. Klubak Sanabrian egondako giro aparta nabarmendu du.
