Erraldoi eta Buruhandien konpartsarena da Lekuona
Bigarren urtez jarraian ez da madalenik izango pandemia testuingurua dela eta, keinu polita gaurko egunari udalak egin diona. Lekuona Fabrikako paneletan, dotore, erraldoi eta buruhandien konpartsa.
Erraldoi eta buruhandien konpartsarena da Lekuona Fabrika gaur. Berezia bezain maitea da gaurko eguna errenteriarrentzat. Bigarrenez jarraian, eta ardura kolektiboak zein zaintza erdigunean jartzeak madalenak bertan behera uztea ekarri du pandemia testuinguruak. Iaz online egitarau xumea antolatu zuen jai batzordeak, eta aurten, osasun egoerak hala ahalbidetuta, hainbat ekitaldi antolatu dituzte, oraingoan fisikoak; hori bai, segurtasun eta osasun neurri guztiak bermatuta.
Horren harira, keinu polita gaurko egunari udalak egin diona. Lekuona Fabrikako paneletan, dotore, erraldoi eta buruhandien konpartsa. Izan ere, jai batzordeak herriko hainbat eragileekin elkarlanean antolatutako ekitaldien artean, emanaldi berezia egingo dute gaur eta hilaren 25ean, Xanti eta Maialenek EMKEren Musika Bandarekin batera. Lekuona Fabrikaren Sorlekuan Jira Bira dantzan ekitaldia eskainiko dute hilaren gaur 19:00etan eta 21:00etan; eta hilaren 25ean, 11:30ean, 13:30ean, 19:00etan eta 21:00etan. Emanaldi horietarako gonbidapenak agortuta daude.
Madalenetako txuri beltzeko argazkiekin eta kartel iragarleekin erakusketa Zumardian.
Zumardiak ere, gogoz hartu du txuri beltzeko madalenetako argazkien eta jaietako kartel iragarleen erakusketa. Halaber, gaurtik eta hilaren 25era bitartean, jaietako zapia lepoan eramateko eskatu di jai batzordeak herritarrei, baita etxeko balkoi eta leihoak apaintzeko ere.
