'Arroz urez' liburuaren aurkezpena larunbatean, Antxeta Elkartean
Mikel Antza idazlea bertan egongo da, eta aurkezpenaz gain, afaria ere antolatu dute.
Liburuaren aurkezpena eta afaria egingo dute Antxeta Elkartean. ‘Arroz urez’ liburuaren aurkezpen-solasaldia antolatu du San Pedroko Antxeta Elkarteak larunbat honetarako bere egoitzan. Mikel Antza, liburuaren idazlea bertan izango da, eta harekin hitz egiteko aukera egongo da solasaldian. Aurkezpena 19:00etan hasiko da, eta nahi duenak ondoren izango den afarira (15 euro) joateko aukera dauka.
Martxoan argitaratutako saiakera honetan, ETAren hasieraz eta amaieraz irakur daiteke. Narrazioaren hari gidaria, Burgosko Auzia da. Ikuspegi pertsonaletik landu du Antzak liburua. Txalaparta argitaletxeak horrela definitu du lana: “Gure herrian ikusezin gorde behar izan direnak agerian geratuko dira”.
Aurkezpenera joateko, erreserba egitea eskatu dute telefono zenbaki honetara mezu bat idatziz: 611 617 066.
