Oiartzunen sormena puri-purian dagoela erakutsiko du hilaren 31ko azokak
Herriko sortzaile gazteen ikuskizunak ikusi ahal izango dira eliza inguruan, arratsaldez; egun osoan, berriz, Euskal Herriko artisauena.
Lohizune Telletxea eta Luix Mitxelena izango dira plazara aterako diren sortzaileetako bi. Oiartzungo sortzaile gazteei pultsua hartzeko eguna izango da hilabete honen azkena. Izan ere, Sortzaile Azoka egingo dute hilaren 31n, eliza ingurua epizentro bezala hartuta.
Hamahiru gazteren saioak ikusteko aukera egongo da 17:30etik aurrera. Honakoa da parte hartuko dutenen zerrenda: Malen Elizasu; Ekain Elizasu; Josu Ibarguren; Alain Mendizabal; Oihan Astigarraga; Izaro Telletxea; Udane Eskudero; Daniel Picazo; Luix Mitxelena; Xabier Belaunzaran; Paul San Sebastian; Beñat Irigoien eta Xabier Trigo.
Edukiera 120 lagunekoa izango da. Sarrerak turismo bulegoan daude eskuragai.
Horrez gain, herriko eta inguruko hamaika artisauen sormen lanak ikusteko aukera egongo da, 11:00etatik 14:00etara eta 16:30etik 19:00etara. Eguraldi txarra egingo balu, Elizalde Herri Eskolako pilotalekura lekualdatuko dute Oiartzungo Sortzaile Azoka.
Artisauak
- Loregorri.
- Oliparok.
- Alaiart.
- Ilargi Aristondo.
- Itsaso Aldai.
- Borealak.
- Lei Lei.
- Ane Narbarte.
- Alain Mendizabal.
- Intza Loperena.
- Maridomingi.
- Berexi Art.
- Koloreztatu.
- Leile.
- Ehunduz.
- Txirikordak.
- Kalima.
- Kaori Faktoria.
- Mikka Pika.
- Arimari.
- Eskutik Eskura.
- Teriya.
- Amaetabiok.
- Celeste Wild Studio.
- Hamarratz.
- Puochinan.
- Maitandu Makrame.
- Xipiroi.
- AMLU.
- Sorginlore.
