Sailkapeneko postuak eutsi dituzte San Pedrok eta San Juanek
KAE1 Ligako traineru pasaitarrek soilik lehiatu dute asteburuan. ETE eta KAE2ko traineruek COVID-19 kasuengatik ezin izan dute jokatu.
Lautik bi traineruk bakarrik egin dute estropada asteburuan. Pedreñan lehiatu ziren KAE1 ligako traineruak pasa den larunbatean, eta sailkapenari eusteko erako emaitzak egin zituzten traineru pasaitarrek. San Pedro laugarren geratu zen, eta Kaikuk irabazi zuen 15 segundoko aldearekin. Era honetan, sailkapen nagusiko 4. postuari eutsi diote moreek. San Juan bosgarren izan zen 20,30ko denbora eginda. Erreka ontzia 6. postuan dago ligan. KAE1eko SAILKAPEN NAGUSIA HEMEN IKUSI DAITEKE.
ETE ligako arraunlariek Marina de Cudeyoko estropada zuten, eta Donibaneko Batelerek ez zuten ikurriña hau jokatu COVID-19a dela eta. Sailkapenean, 5. postuan jarraitzen dute, aurreko asteburuan bezala. ETE LIGAKO SAILKAPEN NAGUSIA HEMEN IKUSI DAITEKE.
Errenteriako Ikurriña jokatu zuten KAE2ko arraunlariek, baina Trintxerpe-Illunbek ez zen lehiatu COVID-19 gaixotasunagatik. KAE2eko SAILKAPEN NAGUSIA HEMEN IKUSI DAITEKE.
