Zinema izar azpian, OzZinemarekin
Etxe ondoan goxo, pantaila handiarekin gozatzeko aukera eskaintzen jarraituko du Ozzinema Zineklubak abuztuan ere.
Chihiroren bidaia izango da emango duen lehen filma abuztuan. Etxe ondoan goxo, pantaila handiarekin gozatzeko aukera eskaintzen jarraituko du Ozzinema Zineklubak abuztuan ere. Datorren hilabeterako, lau ostiraletan programatu ditu emanaldiak, herriko beste lau puntutan. Publikoa guztia aintzat hartuta programatu ditu ikus entzunezkoak.
Oscar Saria jasota duen Chihiroren bidaia euskaraz emango dute abuztuaren 6an. Cristobal Gamon ikastetxeko HH eta LH eraikineko patioan izango da animaziozko filma. Abuztuaren 13an, berriz, Ane filmak hartuko du lekukoa Miguel Irastorza Futbito zelaian; 20an, La caza Cristobal Gamon ikastetxeko patioan; eta 28an, Akelarre, Pontikako frontoian.
Zinema saio guztiak 22:00etan izango dira. Emanaldiak doakoak izango dira, baina beharrezkoa da gonbidapena eskuratzea onlin edo Lekuona Fabrikan. Gonbidapenak, saioa programatuta dagoen aste bereko astelehenean jarriko dituzte eskuragarri, eta gehienez lau gonbidapen eskuratu ahalko ditu pertsona bakoitzak.
Eguraldi txarrarekin, programatutakoak lekualdatzea aurreikusi dute. Aldaketa horien berri ere emango dute.
