Baso bainuak Listorretako abenturen barruan
Naturarekin bat egiteko praktika salutogenikoa da, osasuna sustatu eta ongizatea hobetzeko.
Baso bainua da Listorreta abenturen barruan antolatu duten azken ekintza. Abuztuaren 7an izango da 10:30ean hasita 16 urtetik gorakoei zuzendua. Bi orduko saioa izango da, eta parte hartzeko izena aurretik eman behar da 943 49 50 69 edo 688 89 50 68 telefono zenbakietara deituta edo posta elektronikora idatzita. prezioa 12 eurokoa da.
Baso bainua edo Shinrin-Yoku 1982an sortu zen Japonian, estres maila murrizteko diseinatutako osasun programa nazional baten barruan. Naturarekin bat egiteko praktika salutogenikoa da, osasuna sustatu eta ongizatea hobetzeko. Estresa arintzea eta atsedena sustatzea du helburu. Amaia Agote adituak gidatuko du saioa. Taldeak partaide kopurua mugatua du. Azalpenak elebitan egingo dituzte.
