Etxean lehiatuko dira Hibaikako emakumeak igandean
Hibaika, Oiartzun ibaian jokatuko den lehian garaile izaten saiatuko da, are gehiago etxean izanik. Erlojupekoa izango da estropada, eta bi luze egin beharko dituzte ontziek.
Hibaikako ontzia duela bi urteko estropadan, jardunaldia eta ETE LIga irabazita, Oiartzun ibaian. Errenteria Hiria Emakumeen Elkarte Bandera jokoan izango da igandean. ETE Ligan parte hartzen duten ontziak arituko dira, eta Hibaika, Oiartzun ibaian jokatuko den lehian garaile izaten saiatuko da, are gehiago etxean izanik. Erlojupekoa izango da estropada, eta bi luze egin beharko dituzte ontziek. Sailkapen orokorrean, hirugarren postuan jarraitzen du Errenteria-Oreretako ontziak.
Hibaikako emakumeen eta gizonen tripulazioek ez zuten parte hartu aurreko asteburuan. COVID-19ak positibo bana utzi zuen tripulazioetan, baina konfinamendua beteta prest dira lehiara itzultzeko, eta gogotik arituko dira bi ontziak.
Emakumeek igandean izango dute estropada, etxean esan moduan, 11:15ean hasita. Erlojupekoaren irteera ordena, berriz, honakoa izango da: Lapurdi, Zarautz, Lutxana, Isuntza, Zumaia, Hibaika, Deustu eta Tolosaldea.
Gizonek, berriz, hitzordu bikoitza dute asteburuan. Larunbatean Bilbon arituko dira Hibaikakoak 11:00etan hasita, eta igandean Santoñan (Kantabria) 17:30ean hasita. Zortzigarren daude taulan Hibaikakoak eta denborak hobetzen saiatuko dira orain arte bezala, taula horretan gora egiteko.
