Hainbat establezimenduk COVID-19aren aurkako bereizgarria lortu dute
'COVID-19ari aurre egiteko prest' izenpeko ziurtagiria lortu dute Oarsoaldeko 11 negoziok; turismoaren sektorean dagoen «kutsatze arriskua» murriztea bilatzen du programak.
COVID-19aren aurkako bereizgarria jaso dute eskualdeko hainbat establezimenduk.
Espainiako Turismo Estatu Idazkaritzak turismo helmugen kalitatea hobetzeko sustatutako Sicted proiektuaren baitan, COVID-19ari aurre egiteko prest izeneko bereizgarria jaso dute Oarsoaldeko 11 establezimenduk. Turismoaren sektorean dagoen «kutsatze arriskua» murriztea da programaren helburua, Oarsoaldea Garapen Agentziak zabaldu duenez. Erantsi dutenez, ziurtagiria lortu duten negozioek eskualdeko garapen agentziaren zein Basquetour Turismoaren Euskal Agentziaren laguntza jaso dute.
Ondokoa da bereizgarria lortu duten establezimenduen zerrenda:
- Burdinola jatetxea (Errenteria-Orereta)
- Oarsoaldeko Turismo Bulegoa (Errenteria-Orereta)
- Errekalde hotela (Lezo)
- Carmen jatetxea (Lezo)
- B&B San Sebastián Aeropuerto hotela (Oiartzun)
- Malkorra Hotel & Restaurant (Oiartzun)
- Soinuenea, Herri Musikaren Txokoa (Oiartzun)
- Luberri Ikasgune Geologikoa (Oiartzun)
- Ontziola jatetxea (Pasaia)
- Mater Ontzi Museo Ekoaktiboa (Pasaia)
- Talur Luxury Cars (Pasaia)
