Aurreko asteburuan baino 6 kutsatu gehiago hauteman dituzte
Errenteria-Orereta eta Oiartzunen tasen beheranzko joera mantendu da; Lezo eta Pasaian, aldiz, gora egin du zifrak asteburuan.
Eskualdeko herrien erdia eremu gorrian da, eta beste erdia, aldiz, horian. 
Azken asteotako tasen beheranzko joeran eten txiki bat suposatu du azken asteburuak eskualdeko zifretan, izan ere, emaitza positiboa izan duten 37 PCR egin baitituzte ostiraletik igandera, eta 31 izan ziren joan den astean egun berdinetan hautemandakoak.
Egoerarik kezkagarriena Oiartzungoa da, eta horri jarraiki, Pasaiakoa; azken bi horiek dira eremu gorrian dauden bakarrak, eta beraz, hurrenez hurren tasarik altuena dutenak. Hori horrela izanda ere, lehenengo udalerrian asteburuan hauteman diren kutsatzeekin, apur bat behera egin du tasak gaur -kontrakoa Pasaian-.
Honakoa da ostiraletik igandera arteko datuekin -bi horiek barne- eskualdeko herrien gaur egungo egoera:
- Errenteria-Orereta. Tasa: 244 (joan den ostegunean 254koa zen). Kutsatuak 16 (ostirala-larunbata-igandea): 3-8-5.
- Oiartzun. Tasa: 550 (joan den ostegunean 569koa zen). Kutsatuak 6 (ostirala-larunbata-igandea): 4-1-1.
- Lezo. Tasa: 263 (joan den ostegunean 247koa zen). Kutsatuak 3 (ostirala-larunbata-igandea): 2-1-0.
- Pasaia. Tasa: 437 (joan den ostegunean 419koa zen) Kutsatuak 12 (ostirala-larunbata-igandea): 3-4-5.
