San Pedroko babes ofizialeko etxeen zozketan izena eman daiteke gaurtik
Gaurtik aurrera, hilabetez egongo da zabalik izena emateko epea, irailaren 30era arte. Interesa duten pasaitarrek hiru agiri aurkeztu behar dituzte.
Babes ofizialeko 39 etxebizitza eraikiko dituzte San Pedroko Velasco eremuan. 
San Pedroko Velasco eremuan eraikiko dituzten Babes Ofizialeko Etxebizitzen (BOE) zozketan izena emateko epea zabalik da, gaurtik, hilabetez (hots, irailaren 30era arte).
Uztailaren 22ko udalbatzarrean Pasaiako barrutian eraikiko diren 39 etxebizitza esleitzeko oinarrien azken zuzenketak onartu ostean, argitaratu dira behin betiko oinarriak. Hori horrela izanik, interesdunek udalerriko HAZ bulegoen bidez edota telematikoki eman dezakete euren izena dagoeneko, honako agiri hauek aurkeztuta:
- E097 Eskaera-Orria.
- E099 Zinpeko aitorpena.
- 2020ko errenta-aitorpenaren kopia. Horretara behartuta ez badago, lan-bizitzaren aitorpena eta 2020ko 10T aitorpena
Erlazionatutako edukiaBabes ofizialeko etxeak zozkatzeko oinarri berriak onartu dituzte
