'Ilargi guztiak' filma emango dute datorren ostiralean Donibanen
Herriko plazan izango da herriko Jai Batzordeak antolaturiko kaleko zinema saioa, 22:00etan hasita. Ez da gonbidapenik beharko bertaratu ahal izateko.
'Ilargi guztiak' filmeko irudia. 
Igor Legarreta bilbotar zinema zuzendariaren Ilargi guztiak film dramatikoa emango dute datorren ostiralean, hilak 10, Donibaneko plazan. Montrealgo Zinema Jaialdian saritu dute bizkaitarraren bigarren film luzea.
Jai Batzordeak antolatutako kaleko zinema saioa 22:00etan hasiko da, eta ez da gonbidapenik beharko bertaratu ahal izateko, harik eta leku guztiak bete arte. Antolatzaileek ohartarazi dute, jarduera kalean izanik, eguraldiak lagunduko ez balu, bertan behera geldituko litzakeela zinema saioa.
Udaltzaingoak iragarri du Donibane kalea ibilgailuentzat moztuko dutela 21:00etatik 00:00etara, zinemak irauten duen artean.
