Arrain lonjara bisita eta biodibertsitate tailerra, 'Mater' ontziaren eskutik
San Pedroko ontzi museoak bi jarduera antolatu ditu, lehena ostegunean eta bigarrena larunbatean. Dagoeneko eman daiteke izena.
'Mater' museoaren jardueretan parte hartu ahal izateko aldez aurretik izena eman behar da. 
Datorren ostegun eta larunbaterako hainbat jarduera antolatu ditu Mater Ontzi Museo Ekoaktiboak. Etzi, arrain lonja bisitatzeko irteera egingo dute, eta larunbatean, aldiz, biodibertsitatearen inguruan ikasi eta hausnartzeko tailer praktikoa egingo dute.
Lonjaren funtzionamendua ezagutzeko irteera 6:00etan hasiko da, eta 7:30 inguruan bukatu. Larunbateko jarduera 11:00etatik 13:00etara luzatuko da.
Bietako edozeini buruz informazio gehiago lortu edota izena emateko, posta elektroniko bidez egin daiteke harremana Materrekin, eta baita telefonoz ere (619 81 42 25).
