[Bideoa] "Hizkuntzak gerturatzen gaitu, gerturatu euskarara"
Oarsoarrak batzordeak Jennifer, Kala, Kaori eta Nataliaren testigantzak jaso ditu ikusentzunezko batean. Haiek emana dute euskarara gerturatzeko pausoa.
Kala da Oarsoaldeko Euskara Batzordearen bideoko protagonistetako bat. Hark emana du euskararako pausoa. 
Oarsoaldeko Euskara Batzordeak bideo bat osatu du “euskarara gerturatu diren” jatorri ezberdinetako herritarren lekukotasunak jasoaz. Eskualdera heldu berri diren herritarrei, nork bere zirkunstantzia, profil eta errealitatetik, euskarara hurbiltzeko deia egin diete.
Herritar berriak ongi etorriak senti daitezen, sentiberatzeko kanpaina abiatu dute eskualdeko lau udalek. Oarsoarrak batzordeak koordinaturiko kanpaina horren baitan, hilaren 30era bitartean, etorri berriek euskarara hurbiltzeko gonbita hartuko dute hainbat bidetatik; bus geltokietako markesinak, sare sozialak, esku-orriak, bideoa, prentsa, eta abar.
Euskarak lurraldeko herritarren promozio sozilalerako ekar ditzakeen onurak bistaratzea da iniziatibaren xedea; sentiberatze lanketa egitea. Bide horren partedun bihurtu nahi izan dute Jennifer (Nikaragua), Kala (Mali), Kaori (Japonia) eta Nataliak (Ukraina); euskararekin duten harremana partekatu nahi izan dute, honako bideo honetan:
