Bisitentzako ordutegi zabalagoa izango du Albaolak udazkenean
Asteartetik igandera bisitatu ahal izango da ontzigintza tradizionalean diharduen faktoria (orain arte astean lau egunez zegoen zabalik).
Bisitarientzako ordutegi zabalagoa eskainiko du Albaola Itsas Kultur Faktoriak aste honetatik aurrera. 
Orain arte astean lau egunez irekia egon bada ere, aste honetatik aurrera asteartetik igandera bisitatu ahal izango da ontzigintza tradizionalean diharduen Albaola faktoria. Aurretiko erreserba egin beharra bere horretan mantenduko da.
Ondartxo pasealekuko lanak bukatu direla eta, faktoriara bertaratzeko oinezko bidea ere erabili ahal izango da. Museoa ez da koronabirusaren aurreko ohiko ordutegira itzuliko, baina ia egunero bisitatzeko aukera eskainiko dute. Udazkeneko ordutegi berria ondorengoa izango da:
- Astearte, asteazken eta igandetan: 10:00etatik 14:00etara.
- Ostegun, ostiral eta larunbatetan: 10:00etatik 14:00etara, eta 15:00etatik 18:00etara.
Aurretiko erreserba egiteko Albaolako bisita departamentuarekin harremanetan jarri beharko dira bisitariak. Horretarako e-mail bat bidal daiteke, edo 943 39 24 26 telefono zenbakira deitu, ondorengo ordutegian: asteartetik ostiralera 10:00etatik 14:00etara.
