'San Fermin Txikiak', musika, artisautza eta jolasez blai
Topaguneak hainbat jarduera antolatu ditu datorren astebururako. Andoni Oilokiegik kontzertua eskainiko du ostiralean, eta azoka egingo dute larunbatean.
Artxibo irudia: 2019ko San Ferminak, haurren danborrada. 
Datorren asteburuan ospatuko lirateke Antxoko San Fermin Txikiak. Egungo egoerara egokituta, hainbat jarduera antolatu ditu Topaguneak datorren ostiral eta larunbaterako, omenaldia eta aldarrikapena uztartuko dituen karteladarekin hasi, eta jolasekin bukatzeko.
Jai guneak argitaratutako egitarauak udalaren aginduz debekatuak izan diren afaria eta bazkaria ere jaso ditu. Horiek, esan bezala, ezin izango dira egin, baina herriko gobernuaren babes eza salatzeko probestu nahi izan dute aukera antxotarrek. Salaketa publikoa egingo dute bihar Pasaiako gizarte eta kultur eragileek.
Datozen egunetarako antolatu dituzten jarduerak honakoak dira:
- Ostirala, hilak 24.
20:00etan, kartelada berezia Fernandi Olarraren omenez.
21:00etan, Sobakillo afaria (DEBEKATUTA. Ezin izango da egin.)
22:00etan, Andoni Oilokiegiren kontzertua Ibaiondon. (Gonbidapenei buruzko informazioa, laster, Topagunearen sare sozialetan). - Larunbata, hilak 25.
12:00etatik aurrera, artisau azoka Gure Zumardian.
14:00etan, Bazkaria (DEBEKATUTA. Ezin izango da egin.)
Bazkalostean, bingoa eta jolasak.
