"Memoriarako eskubidea" aldarrikatu dute
Jon Paredes Manot Txiki eta Angel Otaegi oroitzeko eguna izendatu zuten Irailaren 27a, Gudari Eguna. Gaur gogora ekarri dituzte, eta haiekin batera, Bixente Perurena Telletxea Peru, Pablo Gude Pego Antxon, Rafa Etxebeste Garmendia, Mikel Arrastia Agirre, Felix Bikuña Arostegi Arrantzale eta Egoitz Gurrutxaga Gogorza.
Gudsari Egunaren harira ekitaldia Oreretako Foru Plazan. Jon Paredes Manot Txiki eta Angel Otaegi oroitzeko eguna izendatu zuten Irailaren 27a, Gudari Eguna. Gaur gogora ekarri dituzte, eta haiekin batera, Bixente Perurena Telletxea Peru, Pablo Gude Pego Antxon, Rafa Etxebeste Garmendia, Mikel Arrastia Agirre, Felix Bikuña Arostegi Arrantzale eta Egoitz Gurrutxaga Gogorza. Hamarnaka lagun bildu dira Sortuk deituta Foru Plazara.
Gudari Egunaren harira ekitaldia Oreretako Foru Plazan.
Pebetontzia, ikurrina, txalapartaren ttakuna, bertsoak, agurra, krabelin gorriak… eta aldarri bat: Memoria. Hala adierazi dute, “horrexek bildu gaitu gaur hona, memoriak”. 46 urte bete dira, Txiki eta Otaegi ETAko kideak, FRAPeko Humberto Baena, Jose Luis Sanchez Bravo eta Ramon Garcia Sanz frankismopean fusilatu zituztela, haiek izan ziren erregimen faxistaren azken exekutatuak. Gaurko oroitza ekitaldian, fusilatu bezperan Txikik Euskal Herriarentzat idatzitako mezuaren lerro bat ekarri dute gogora: “Orain, zuei dagokizue justizia egitea”.
Gaurko ekitaldian, 46 urte geroago, memoriarako eskubidea aldarrikatu dute, “eskubide hori ukatu nahi badigute ere kriminalizatuz”. Ezinbestekoa jo dute “gatazkaren izaera politikoa” aitortzea, “desitxuratzen eta ukatzen saiatzen badira ere. Frankismoan ezartzen zuten zapalkuntza nazional bera da gaur ezartzen dutena”, Jasandako mina bezala, eragindakoak ere aintzat hartzen dituztela esan dute, gainera, gaurko ekitaldian, “ez diegu ihes egiten gure ardurei, baina ez dugu onartzen eskuak zurituz ezker abertzaleari behin eta berriz autokritika eskatuz, gure iniziatiba politikoak gaitzetsi, eta baztertzea bilatzen dutenen azpikeria. Ez dezatela gatazkaren izaera politikoa eta aldebikoa ukatu, beren ardurak ezkutatu, ezkerreko independentismoa kriminalizatu, eta Euskal Herriari funtsezko eskubideak ukatzeko”.
Ezinbestekoa jo dute halaber, askapen nazionala eta soziala, “Euskal Errepublika, berdinen artekoa, diskriminaziorik gabea dugulako helburu; geuk erabakitzen duguna izan nahi dugulako”.
