Ostegunean hasiko dira adinekoentzako ariketa fisiko jarduerak
Tipi-Topa ibilaldien sasoi berria ostegun honetan hasiko da, eta bi aukera prestatu dituzte. Martxaneko saioak astearteetan dira, Bekoerrotan.
Tipi-Topakoak, ibilaldi baten ondoren indarra berreskuratzen. Tipi-Topa ibilaldien sasoi berria ostegunean hasiko da. Hilaren 30etik aurrera, ikasturtea bukatu arte et ostegunero, lezoarrek herrian zehar ibilaldi osasuntsuak egiteko aukera izango dute: alboko herrietara joango direnek 10:45-12:00 ordutegiarekin egingo dute bidea; herriko zeharkaldiak 11:00etatik 12:00etara dira. Gurutze Santuaren plazatik aterako dira ibiltariak, herrian erdigunea berreskuratu du Tipi-Topak. MuittuLezo estrategiaren barrukoak dira ibilaldiak.
Tipi-Toparen helburua da lezoarrei, adinekoei batik bat, etxetik ateratzeko aitzakia ematea da. Horrela, ibilian eta solasaldian, jarduera fisikoa egiteko aukera dute. Taldekide guztiek, bukaeran, salda izango dute indarrak berreskuratzeko.
MuittuLezo estrategiaren barruan bada gehiago. Aurten ere Martxan egitasmoak bidea egingo du. Asteartero egingo dituzte (urriaren 5etik hasita) egitasmoko saioak: koordinazio, indar edota oreka ariketak egiten dituzte, adinekoek batez ere sasoi egokia manten dezaten. Gainera, ariketa horiek etxean egin ditzakete partaideek. Martxaneko saioak Bekoerrota kiroldegian dira, esan bezala asteartero, 10:00etatik 11:00ak arte.
