'Artearen bidea' tailerra eskainiko dute Bekoz Bekon
Oihulari Klown taldeko Virginia Imazek emango du tailerra Antxoko elkartean, hiru saiotan; sormena ahalduntze estrategia gisa baliatuko dute.
Antxoko Zumalakarregi kalean dago Bekoz Beko Elkartearen egoitza. 
Hil honen bukaeran hasita (30ean, larunbata), hiru saiotan banaturiko tailerra eskainiko du Oihulari Klown antzerki taldeko kide den Virginia Imazek, Antxoko Bekoz Beko elkartearen egoitzan.
Artearen bidea izenpean aurkeztu dituzten topaketa horietan sormena baliatuko dute emakumeak ahalduntzeko. Parte hartzeko izena eman beharko dute aurretik interesdunek, mezu elektronikoa idatziz edota telefonoz deituz arduradunei (679 33 24 11 edo 943 09 38 30).
Ondoan dauden larunbatetarako programatu dituzte hitzorduak: hilak 30, azaroak 6 eta azaroak 13. Saioak 10:00etan hasiko dira, eta 13:00etan bukatu. Emakumeen lokala Antxoko Zumalakarregi kalean dago, 1 zenbakian.
