Familia Gunea, Familia Jolasean eta Kuadrillategi abiatzeko prest
Hilabete honetan jarriko ditu martxan udalak Familia Gunea, Familia Jolasean eta Kuadrillategi programak. Programa bakoitza adin tarte ezberdinei begirakoa da, eta orotara, 0 eta 16 urte arteko eskaintza zabala betetzen du.
Ekintza asko egingo dituzte haurrek uztailaren 2tik 27ra. Hilabete honetan jarriko ditu martxan udalak Familia Gunea, Familia Jolasean eta Kuadrillategi programak. Programa bakoitza adin tarte ezberdinei begirakoa da, eta orotara, 0 eta 16 urte arteko eskaintza zabala betetzen du.
Familia Gunea, 0-6 urte arteko haurrak dituzten familiei begirako programa da. Merkatuzarren biltzen dira, eta haurren hezkuntza prozesuan eredu positiboak eraikitzea du helburu. Horretarako jolas eta txioko pedagogikoak dituzte eskura programan parte hartzen duten familiek, aditu baten laguntzarekin.
Parte hartzeko aldez aurretik emna behar da izena, hilaren 6tik 13ra zehazki, eta familiek eguneko txanda bakarra aukera dezakete. Arratsaldez, astelehenetik ostiralera 17:00etatik egiten dituzte saioak, eta asteazken eta larunbatetan 10:00etatik 12:00etara. Izen emateak plaza kopurua gaindituko balu zozketa bidez osatuko dituzte taldeak hialren 14an. Hilaren 18an izango da lehen saioa, eta izena emateko kuota ordaindu beharko da.
Oinarrizko errenta edo eta larrialdietarako laguntza jasotzen duten familiek %100eko hobaria izgo dute.
Familia Jolasean 6-12 urte arteko haurren familientzat begirako programak, aisialdia euskaraz gozatu eta horretarako tresnak familien eskura jartzea du helburu. Asteartero Koldo Mitxelena Plazan biltzen dira —euria egingo balu Reina Aretoan— eta ostiralero Agustinetako Markola ikastetxeko patioan. Familiek jolas kooperatiboetan, tailerretan eta abarretan parte hartzeko aukera izango dute, hezkuntza arloko bi profesionalek gidatuta. Ezinbestekoa da haurrek beren familiako heldu batekin edo birekin parte hartzea jarduera osoan. Markola ikastetxeko lehen saioa hilaren 15ean izango da, eta Koldo Mitxelena Plazakoa, hilaren 19an.
Doakoa da zerbitzua eta izena eman behar da parte hartzeko aurretik.
Kuadrillategi berriz, 12-16 urte arteko nerabe eta gazteei begirako programak, euskaraz, lagunartean ondo pasatzea du helburu, gazteei egokitutako eta haien gustuaren arabera antolatutako jarduerekin. Lehen saioa, hilaren 15ean izango da.
Ludoteka eta Gaztelekuen irekieraren berri aurrerago emango duela jakinarazi du udalak.
