Ipuin kapsula gehiago Lezon
Andreone liburutegiak zortzi ipuin kontalariren hamasei saio zabalduko ditu bere Youtube kontutik hilaren 6tik azaroaren 26ra arte.
Ipuin kontalarien taldean dagoenetako bat da Lupe Lekuona. Pandemiaren testuinguruan sortutako Ipuin Kapsulak egitasmoa indarrak berrituta iritsiko da Lezoko udazkenera. Andreone Lezoko Udal Liburutegiak berriz ere formatu digitalaren alde egin du, baina are zabalago osatu du etxetik eta gailu elektronikoetatik goza daitezkeen ipuin kontakata laburren egitaraua.
Hilaren 6tik (asteazkenetik) azaroaren 26ra, zortzi kontalarik hamasei ipuin saio egingo dituzte, denak, liburutegiaren Youtube kontuaren bitartez. Honakoak dira saio horiek (den-denak 16:00etan hasiko dira).
- Hilak 6 (asteazkena). Maite Frankoren Lumaz betetako ipuinak.
- Hilak 8 (ostirala). Maite Frankoren Kontxita eta zakudun gizona.
- Hilak 13 (asteazkena). Ixabel Agirresaroberen Txarran, Txirrin, Txorron, Txurrun… Ez, Txerren!
- Hilak 15 (ostirala). Ixabel Agirresaroberen Hara! Horra hor Artto!
- Hilak 20 (asteazkena). Mikel Susperregiren Txango bat Sestremeneko kobazuloetara.
- Hilak 22 (ostirala). Mikel Susperregiren Kamioi bat eta zenbait istripu.
- Hilak 27 (asteazkena). Lupe Lekuonaren Matrioskak.
- Hilak 29 (ostirala). Lupe Lekuonaren Sorgin azeria.
- Azaroak 3. Izaskun Mujikaren Kiriketan, ipuinekin jolasean.
- Azaroak 5. Izaskin Mujikaren Maritxu Berritsuren ipuin sorta.
- Azaroak 10. Ana Apikaren Kolore kolore.
- Azaroak 12. Ana Apikaren Oihanean.
- Azaroak 17. Eneritz Artetxeren Zuhaitz laguna.
- Azaroak 19. Eneritz Artetxeren Sagarrondoak.
- Azaroak 24. Amaia Puinen Ipotx saltaria.
- Azaroak 26. Amaia Puinen Oilotxo gorria eta azeria.
