Gasteizko hilketa matxista "jendaurrean eta aho batez" gaitzetsi du udalak
Gizon batek neska laguna hil eta bere buruaz beste egin du ondoren; bi adingabeko seme zituzten. 2003tik 112 emakume hil dituzte Euskal Herrian.
San Pedroko frontoiaren kanpoaldean dagoen seinalea. 
Gasteizen gizon batek neska laguna hil du, eta bere buruaz beste egin du ondoren. Gertakaria atzo goizean jazo zen Gasteizko Sansomendi auzoko etxebizitza batean. Emakumeak 37 urte zituen eta gizonezkoak 42. Bikotearen bi semeak adingabeak dira: 13 eta 17 urte dituzte.
Indarkeria matxistaren ondorioz 2003. urtetik hildako 112. emakumea da Euskal Herrian.
Gertakari hori dela-eta, Pasaiako Udalak “jendaurrean eta aho batez” adierazi nahi izan du, gaitzespen adierazpen batean, emakumeenganako indarkeriaren aurkako jarrera agertzen jarraituko duela: “Horrelako gertaerak ez ditugu gure gizartean onartzen, eta erakunde, elkarte eta herritarrok lanean jarraituko dugu, emakumeok indarkeria matxistarik gabe bizi gaitezen”.
