Gasteizko hilketa matxista arbuiatu du udalak aho batez
Gasteizko hilketa matxistaren harira, adierazpen instituzionala egin du Errenteriako Udalak, talde politiko guztiek adostuta. Hilketa matxista salatu dute, eta mugimendu feministak udalerrian bihar 19:00etan deitutako elkarretaratzean parte hartzeko eskatu du.
Azken hilketa matxista salatuko dute bihar. Gasteizko hilketa matxistaren harira, adierazpen instituzionala egin du Errenteriako Udalak, talde politiko guztiek adostuta. Hilketa matxista salatu dute, eta mugimendu feministak udalerrian bihar 19:00etan deitutako elkarretaratzean parte hartzeko eskatu du. Lau puntukoa da adierazpen instituzionala. “Erailketa matxista” gaitzetsi eta eraso matxista guztien aurrean zero tolerantzia adierazi dute alderdi politikoek idatzi horretan eta argi esan dute halako gertaerak ez dituztela onartzen, “erakunde gisa lanean jarraituko dugu emakumeok indarkeria matxistarik gabe bizi gaitezen”.
Elkartasunik beroena adierazi diote familiari eta gertukoei. Azkenik, mugimendu feministak bihar 19:00etan Niessen merkatalgunearen sarreran deitu duen elkarretaratzearekin bat egin du, eta parte hartzera deitu ditu, gainera, herritar guztiak.
