Azabaratzako borda bat bota dute
Ustez, eremu militarrean dagoelako eraitsi dute eraikina. Guardia Zibilak bertara joateko bide guztiak itxi egin ditu.
Guardia Zibilak, goizean, bordan. Jaizkibelgo Azabaratza inguruan zegoen bordetako bat bota egin dute gaur goizean. Guardia Zibilak bertara iristeko bide guztiak itxi egin ditu, eta ondoren, borda eraisteari ekin diote. Eraikinarekin harremana dutenekin hitz egin du HITZAk, eta jakinarazi dute aurretik eraiste aginduaren berri bazutela, “ustez eremu militarrean dagoelako”. Eraistearen unean inguru horretan militarrak ere bazeudela jakinarazi dute.
Iturri horiek hedabide honi esandakoaren arabera, inguruan badira beste txabola gehiago. Horiek ez dituzte eraitsi. “Inon ez du jartzen borda eremu militarrean dagoenik, ez dago inongo itxituratik inon. Bordaren erabilera librea zen, nahi zuenak erabil zezakeen, izan arrantzaleak, bidaiariak… edonork”.
