Jon Baguesek jasoko du Manuel Lekuona saria
Euskal ondarearen alde, hainbat arlotatik, egindako lanagatik aukeratu dute Bagues saria emateko. Izan ere, berreskurapenean, aholkularitzan, zabalkundean eta sustapenean aritu da musikologo eta artxibozaina.
Jon Bagues Jon Bagues Erriondok (Errenteria, 1955) jasoko du Eusko Ikaskuntzaren Manuel Lekuona saria. Euskal ondarearen alde, hainbat arlotatik, egindako lanagatik aukeratu dute Bagues saria emateko. Izan ere, berreskurapenean, aholkularitzan, zabalkundean eta sustapenean aritu da musikologo eta artxibozaina.
2000 eta 2020 urteen artean Eresbil, Euskal Musikaren Artxiboa zuzendu du errenteriarrak; erretiroa hartu duen arte.
Filosofia eta letrak ikasi zituen Baguesek Donostian eta Musikaren Historian espezializatu ondoren, Bartzelonako Unibertsitate Autonomoan. Eresbilen egindako lan eskergarekin batera, musika ikasteko eta interpretatzeko erakundeak sortzen lagundu duela nabarmendu du Eusko Ikaskuntzak; horren adibide, Peñaflorida kapera jarri du, 1985etik antzinako musika ikertzen eta hedatzen duena. 1979an, Eusko Ikaskuntzaren Musika sailaren sorreran parte hartu zuen. Eusko Ikaskuntzak 1990 eta 1996 bitartean izan zuen buru, eta bere Saileko Koadernoetako zenbait zenbaki koordinatu zituen. Musikaste Euskal Musikaren Astean ere lan handia egin du, bestalde, errenteriarrak urte luze hauetan.
Remigio Mendibururen eskultura jasoko du Baguesek, baina oraindik ez dago zehaztuta ekitaldirako eguna eta lekua.
