Euskarari mamia ateratzeko bederatzi eremu Lezon
Azaroaren 2ra arte, herriko establezimendu horietan erosketa euskaraz egiten dutenek zozketa batean parte hartzeko eskubidea izango dute.
Oarsoaldeko Euskara Batzordeak martxan du Atera mamia euskarari! kanpaina. Horren bitartez, eskualdeko okindegietan euskararen erabilera indartu nahi dute, bezeroen eta horien arduradunen artean. Hortaz, establezimendu horietan euskara erabiltzen duten erosleei, bonuak emango dizkiete horiek bete, kutxan sartu, eta zozketa batean parte hartzeko. Lezon bederatzi establezimenduk egin dute bat kanpainarekin.
Abian den euskararen erabilerarako kanpaina ez da berria. Eskualdeko euskara batzordeak —lau udalen partaidetza du— urtero gremio bat aukeratzen du zeregin horretarako, eta aurten, erabaki dute okindegietan eragitea. Hilaren 15ean hasi ziren horrekin, eta azaroaren 2ra arte iraungo du. Azaroaren 5ean, tokian tokiko kutxetan jasotako bonuen artean zozketa egingo da, bat eskualdeko udalerriko (herri bakoitzak irabazle bana izango du, beraz): irabazleek hilabete osoko ogia doan eskuratu ahal izango du bonua bota duen establezimenduan.
Honakoak dira kanpainarekin bat egin dute Lezoko establezimenduak:
- Tut kafetegia.
- Itzel gozotegi-kafetegia.
- Taloka gozotegi-kafetegia.
- Eroski City supermerkatua.
- Arruti janari denda.
- Arruti belar denda.
- Zubitxo fruta denda.
- Markos okindegia.
- Famipan okindegia.
