Oiartzuni garaipenak ihes egin dio, hamar jokalariren kontra
Allerruren kontra jokatu dute eskualdeko derbia. Partida gorabeheratsu bat kontrolpean zutela zirudienean iritsi da Allerruren bigarren gola.
Oiartzun Kirol Elkarteko mutilen talde nagusiak emaitza gazi-gozoa lortu zuen larunbatean Ugaldetxon jokatu zuten eskualdeko derbian.
Allerruren bisita jaso zuten, eta lezoarrak aurreratu ziren markagailuan. Atsedenaldia iritsi baino lehenago berdindu zuten etxekoek, Aitzuri Nobleren bitartez, hasierako duda-mudak atzean utzita.
Bigarren zatian esnatuago zelairatu ziren oiartzuarrak, eta markagailua iraultzea lortu zuten. Garaipenaren gola zirudiena sartu zuen Unai Kortajarenak, lezoarrak segituan geratu baitziren jokalari bat gutxiagorekin. Bukaeran, markaketetan egondako nahaste baten erruz, Allerruk binakoa lortu zuen.
Nesken bigarren taldeak, bere aldetik, Ostadarren kontra irabazi zuen, eta sailkapeneko bigarren postuan dago.
Saskibaloian, berriz, bi taldeek beren partidak galdu zituzten. Areto futbolaren kasuan, Oiartzunek denboraldiko lehen porrota jaso zuen Donostiako Antigua auzoan. Miren Tabernak garaipen sendoa lortu zuen Eskoriatzaren kontra.
FUTBOLA
Emakumeen Lehen Nazional Maila
- Oiartzunek atsedenaldia izan du asteburuan.
Gizonezkoen Ohorezko Erregional Maila
- Oiartzun — Allerru: 2-2.
Emakumeen Ohorezko Erregional Maila
- Oiartzun — Ostadar: 2-1.
Gizonen Gorengo Maila
- Sanpedrotarra — Oiartzun: 2-1.
Emakumeen Gorengo Maila
- Intxaurdi — Oiartzun: 0-0.
ARETO FUTBOLA
Gizonen Gipuzkoako Lehen Maila
- Antiguoko Fontaneria — Oiartzun: 4-3.
Gizonen Gipuzkoako Bigarren Maila
- Miren Taberna — Eskoriatza: 8-3.
SASKIBALOIA
Gizonen Gipuzkoako Bigarren Maila
- Arri BKL Biruin — Oiartzungo Saskilagunak: 99-40.
Emakumeen Gipuzkoako Bigarren Maila
- Oiartzungo Saskilagunak — AZ Casa de la Rioja: 32-50.
