Hegaztiak behatzen ikasteko tailerra, larunbatean
Aranzadi zientzia elkarteko Ornitologia saila eta Errenteriako Udala udalerriko hegazti-fauna ikertzen ari dira, eta helburuetako bat, herritarrak horren ezagutzan eta zaintzan inplikatzea da; horren barruan kokatzen da tailerra.
Txantxangorria. Argazkia: Wikipedia Hegaztiak behatzen ikasteko hastapen tailerra antolatu dute larunbat goizerako Arramendi parkean. Aranzadi zientzia elkarteko Ornitologia saila eta Errenteriako Udala udalerriko hegazti-fauna ikertzen ari dira, eta helburuetako bat, herritarrak horren ezagutzan eta zaintzan inplikatzea da; horren barruan kokatzen da tailerra.
Ornitho Euskadi herritar zientziarako atariaren funtzionamenduari buruz hitz egingo da, funtzionamendua eta aplikazioak azalduta bisita gidatuaren barruan.
Bi tailer egingo dira: 10:00etan gaztelaniaz, eta 11:30ean euskaraz.
Doakoa da, baina aldez aurretik izena eman behar da web orriaren bidez edo 943 46 61 42 telefono zenbakira deituta.
Bertaratzeko, Gaztelutxoko biribilgunean egin dute hitzordua. Prismatikoak eramatea gomendatu dute.
