Agustinak, Gabierrota, eta Olibet-Ugarritze auzoen txanda datorren astean
Auzo batzarrak egiten hasi da udala aste honetan; astez aste konfirmatzen joango da bilera ordua eta leku zehatzak. Herritarrak parte hartzera deitu ditu.
zamalbiden izango da bilera agur arratsaldean. Auzo batzarrak egiten hasi da udala aste honetan, eta aurreko astean egutegia zabaldu bazuen ere, astez aste konfirmatzen joango da bilera ordua eta leku zehatzak. Hala, datorren asteko batzarren berri eman du; Agustinak, Gabierrota eta Olibet-Ugarritzeren txanda helduko da.
Agustinetan, astelehenean izango da batzarra 18:30ean bertako auzo elkartean. Bertan Aizpea Otaegi alkatea, Bernar Lemos zinegotzia eta Xabier Sanchez zinegotzia arituko dira.
Asteartean, Gabierrotakoa izango da, 18:30ean Laguntasuna auzo elkartean. Aizpea Otaegi alkatea, Bernar Lemos zinegotzia eta Xabier Sanchez zinegotzia arituko dira ere.
Asteazkenean, berriz, Olibet-Ugarritzeko batzarra egingo dute 18:30ean, Zuhaitza auzo elkartean, eta Aizpea Otaegi alkatea, Bernar Lemos zinegotzia eta Jose Manuel Ferradas zinegotzia arituko dira.
Gaur arratsaldean, Zamalbideko batzarra
Gaur arratsaldean Zamalbide auzoan batzarra egingo dutela gogorarazi du halaber udalak, 18:30ean. Udalak auzokako bilera horietan parte hartzera deitu ditu herritarrak.
