Irisgarriagoa izango da etxerako bidea
Galtzaraborda hiribideko bederatzi atarietarako bidea irisgarriagoa izango da epe laburrean. Izan ere, lanak egingo ditu udalak hori bermatzeko, eta dagoeneko lizitatzeko prozesua abiatu du.
Galtzaraborda etorbidean egingo ditu irisgarritasuna hobetzeko lanak. Argazkia: Herri Bizia Galtzaraborda hiribideko bederatzi atarietarako bidea irisgarriagoa izango da epe laburrean. Izan ere, lanak egingo ditu udalak hori bermatzeko, eta dagoeneko lizitatzeko prozesua abiatu du.
Lau arrapala barnebiltzen ditu esku hartzeak ; zehazki, 36. zenbakitik 52. zenbakira bitarteko atariak. Atari horietako bizilagun komunitateekin adostu ostean, irisgarritasuna hobetzeko eskaerari erantzuteko proposamen teknikoa egin du udalak, eta orain lizitazioa jarri du martxan.
Lau arrapalekin batera, pasadizoa ere eraikiko dute.
Galtzarabordako Jaizkibel, Urdaburu eta Miguel Zabaleta kaleetan, zein Gaztañoko altxu kalean egindako antzeko jarduketen segida da honakoa. Guztiak, irisgarritasun planean jasota daude.
150.000 euroko inbertsioa egingo du udalak irisgarritasuna bermatzeko eremu horretan.
