Eguzki: "Bigarren dorretxoan planifikatutako eraldaketa salatu nahi dugu"
Eguzkiren arabera, Jaizkibelgo bigarren dorreoian plataforma bat egiten ari dira. Hondakinen handitzea eta zuhaitzen mozketak izago direla adierazi du.
Jaizkibelgo bigarren dorrean lanak egiten ari dira, berritzeko eta aldi berean begiratoki bat sortzeko. Eguzki talde ekologista ez dago ados ez eraldaketarekin, ez eta hori egiteko erabiltzen ari diren prozedurarekin. Are gehiago. Aranzadik egin du obren idazketa lana: “Aranzadiri eskatzen diogu ondorioak baloratzeko eta natura errespetatze aldera, bazter dezala egitasmoa”. 220.000 euroko aurrekontua dute lan horiek.
Eguzkik azaldu duenez, dorrean, talaia antzekoa egin beharrean, begiratokia sortuko dute: dorrean sarrera bat egin, eskailera batzuen bitartez plataforma batera iristeko; hara joateko errepidea ere hobetuko da. “Horren ondorioz zuhaitzak moztuko dira, eta ezin izango da begiratu hegoalderantz. Litekeena da etorkizun hurbilean aparkatzeko eremua handitzea”. Lanengatik mendiak izango lituzkeen kalteen artean, bisitarien ugaritzearena aipatu du Eguzkik eta horrek dakarren hondakinen handitzea. Gainera, lanak eremu militarrean ari direla egiten azaldu dute, beraz, segurtasun falta ere badagoela adierazi du Eguzkik.
Mendiak ez dituela bisitari gehiago edo begiratokia behar adierazi du Eguzkik, “eta are gutxiago lurraldearen artifizializazioaren bidez”. Natur eta kultur ondarea da dorreoia, eta hainbat bide egiten dituztenek bisitatzen dute.
Erantzukizuna duten erakundeei ere deia egin die Eguzkik 2013ko kudeaketa planean jasotako inbertsioak aktiba ditzaten, bertako basoen eta beste habitat natural batzuren ingurumen leheneratzea bideratzeko. Hein berean, Jaizkibel eremu babestua dela oroitarazi du taldeak, besteak beste, Natura 2000 Sarean dagoelako.
