Organikoa konpostatzen dutenen hobaria bost puntuan igo du udalak
Biohondakina kaleko edukiontzi marroiaren bidez gaika biltzen dutenek, berriz, %27ko hobaria jasotzen jarraituko dute, baldin eta hileko egun ezberdinetan, edukiontziaren hiru irekiera egiten badituzte.
Urriko plenoaren irudi bat. Hondakin organikoak konpostatzen dituzten errenteriarrek gutxiago ordaindu beharko dute datorren urtean bost puntuan igo duelako udalak haiei begirako hobaria. Orain arte, %35eko hobaria zuten konpostatzen zutenek, eta 2022an %40ko hobaria izango dute. Horrela, etxe konpostajean zein auzo konpostajean aritzen diren herritarrek %40ko beherapena izango dute 2022ko hondakin zergan.
Urriko ohiko udal osoko bilkuran hala egitea erabaki zuen Udalak zerga ordenantzak onartzeko unean.
Biohondakina kaleko edukiontzi marroiaren bidez gaika biltzen dutenek, berriz, %27ko hobaria jasotzen jarraituko dute, baldin eta hileko egun ezberdinetan, edukiontziaren hiru irekiera egiten badituzte.
Nazio Batuen Garapen Iraunkorrerako 12. helburuarekin bat eginez, Errenteriako Udalak herritarrak etxean konpostatzera edo auzoko konpostajean parte hartzera gonbidatzen ditu, hondakinen sorrera murriztu eta Errenteria herri iraunkorragoa bihurtzeko.
