Oarsoaldean COVID-19aren tasaren gorakada: Pasaia eremu gorrian sartu da
Azken astean Oarsoaldeko herri guztietan hazi egin da 100.000 biztanleko tasa, Pasaian eta Errenteria-Oreretan bereziki.
Azken astean, azaroaren 8tik 14ra zehazki, Oarsoaldean COVID-19agatik 137 pertsona gaixotu dira: 77 Errenteria-Oreretan, 46 Pasaian, bederatzi Lezon eta bost Oiartzunen. Horren eraginez, tasek nabarmen egin dute gorantz, bereziki Pasaian: eremu gorrian da 100.000 biztanleko tasa 466ekoa delako; hilaren 7ko igandean, 275ekoa zen herri horretako tasa.
Errenteria-Oreretako zenbakiek ere gorantz egin dute. Tasa, egun, 214koa da, hilaren 7an 44koa zelarik. Lezoko tasa 148koa da (hilaren 7an 65ekoa zen), eta Oiartzungoa, gutxi, baina hazi egin da astetik astera, 106tik 125ra.
Tasa 400dik gora duten udalerrietarako neurri murriztaileak iragarri dituzte. Horien berri bihar (asteartea) emango du Gotzone Sagardui Eusko Jaurlaritzako Osasun sailburuak.
