Rote Zora, Alemaniako erresistentzia egitura feministaren historia, Gaztañora
Frauen Bildet Banden —Emakumeek Alemanian bandak sortu zituztenekoa— dokumentala emango dute lehenik, eta Alemaniako bi lagunekin eztabida zabalduko dute ondoren bertako esperientzia hori gertuagotik ezagutzeko.
Gaztañoko Auzo Elkarteak hitzaldi zikloak berrartu ditu. Horren harira, hitzordua egin du astelehenean. Atzera begira jarri dira, eta Europara, zehazki, Alemaniara. 1977. urtean bertan sortu zuten Rote Zora —Azeri Gorriak— erresistentzia egitura feminista izango dute mintzagai. Lesbianek eta emakumeek osatuta, borroka armatua baliatu zuen. Sortu zenetik eta hogei urtez hainbat ekintza egin zituen talde horrek. Bere kontsignen artean, Borrokatzen bazara galtzea duzu, borrokatzen ez bazara galdu duzu jada, esaldia nabarmendu daiteke.
1996an desagertu zen taldea.
Frauen Bildet Banden —Emakumeek Alemanian bandak sortu zituztenekoa— dokumentala emango dute lehenik, eta Alemaniako bi lagunekin eztabida zabalduko dute ondoren bertako esperientzia hori gertuagotik ezagutzeko.
Hitzordua ostiralean 19:00etan Gaztaño auzoko lokalean.
