Etxeko langileen eskubideak bermatzeko saretzen
Etxeko langileen eskubideen aldeko mugimendua indartzea izango dute erronka larunbateko jardunaldiarekin.
Gaurko aurkezpenaren irudi bat. Argazkia: Carrera Etxeko lanaren gaineko bigarren jardunaldia egingo dute larunbatean Merkatuzarren. Gaur aurkeztu dute SOS Arrazakeriako Etxeko Langile taldeko ordezkariek. Jardunaldiak topaketa izatea nahi dutela zehaztu dute aurkezpen horretan, “esperientzia eta ibilbide desberdinak dituzten eragileek horien berri eman, eta gogoetarako bidea zabaldu dezaten”.
Etxeko langileen eskubideen aldeko mugimendua indartzea izango dute erronka larunbateko jardunaldiarekin, eta aliantzak sendotzea gaur azaldu dutenez. Horrela ba, parte hartzaile guztiek, beren esperientziaren balantze zehatz eta kritikoa egingo dute, hausnarketa kolektiborako elementuak eskainiko dituena.
Errealitate horren argazkia osatze aldera, lurraldeko etxeko langileak, udalak, erakundeak, garapen agentziak, sindikatuak, kolektibo feministak, emakumeen etxeak, eta emakume migranteen elkarteak gonbidatu dituzte, besteak beste.
Haiekin sareak sendotzea dute egitekoa. Jardunaldia egun osokoa izango da, eta aforo mugak direla eta aurrez eman behar da izena hemen. Ondoren, egitaraua:
- 09:00 – 10:00. Harrera eta aurkezpena. Gipuzkoako SOS Arrazakeriako Etxeko Langile Taldeko Tatiana Bellorin eta Marling Castillo Aizpea Otaegi. Errenteriako alkatea.
- 10:00 – 12:00. Etxeko langileentzako arreta-zerbitzuen balantzea eta perspektibak: Katia Reimberg. Bidez Bide Elkartea. Donostia; Lorea Ureta. Bizkaiko Etxeko Langileen Elkarteko lan-aholkularia; eta Gerardo Carrere. Gipuzkoako SOS Arrazakeriako etxeko langileentzako lan-aholkularitza zerbitzua
- 12:30 – 14:00. Etxeko langileen autoantolaketaren esperientziak: Rachida Amazou eta Rosario Soliz. NOSOTRAS Granada elkartea. Maria Elisa Peredo. Maitelan kooperatiba.
Nara Cladera. Union syndicale Solidaires. Lyon, Frantzia. Moderatzailea: Tina Díaz. Sindikalista. -
14:00-16:00. Bazkaria
-
16:00 – 17:30. Etxeko lana eta zainketa-lana arautzeko aukera legegileak eta kontrol-mekanismo eraginkorrak. Isabel Otxoa. Lan Harremanen eta Gizarte Lanaren Fakultateko (EHU) eta Bizkaiko Etxeko Langileen Elkarteko irakaslea; Antonio Grinda. Gipuzkoako Lan Ikuskaritzako ikuskatzailea. Moderatzailea: Julia Nogueira. Mujeres Fundazioa. EAEko etxeko zerbitzuetan eta zaintza-zerbitzuetan lan egiten duten emakume etorkinen diskriminazio anizkoitza txostenaren egilekidea.
-
17:30 – 18:00 Itxiera.
